Zuek hor
Gaur, 15:40an
Malaka break dance dantzaria ekarriko digu Maisha MCk
Asteazkenero bezala, Maria Amolategik Euskal Herriko zein nazioarteko musika albisteez hitz egingo digu.
Bideoak (1)
Informazio gehiago (1)
Astearen erdira iritsi garen honetan, gaur asteburuari begira jarriko gara. Maria Amolategik Euskal Herriko nahiz nazioarteko musika albiste eta nobedadeen berri emango digu. Gainera, Alkain, Galartza, Jon eta Agurne dantzan eta abesten jarriko ditu.
Gaurkoa egun aproposa da tertulia egiteko, eta gurean Agurne Anasagasti printzesak gidatuko du tarte hori. Nagore Osoro, Maisha MC eta Edurne Garmendia izango ditu berriketa-lagun mahaiaren inguruan.
Azkenaldian, Maisha MC etortzen den bakoitzean bere lagun berezienak ekartzen dizkigu gonbidatu. Malaka break dantzaria ekarriko digu gaurkoan. Zea Mays-en "Gaur" kantuaren bideoklipean parte hartu du, eta dantza estilo urbano hori erakustera etorriko da.
Mar y Mar Igeldoko nekazaritza-turismoko etxean asteburu-pasa bat irabazi nahi? Bi gau zoragarri zozkatzen ditugu "Zuek hor eta gu hemen" saioan. Ba al dakizue fraideek ahapetik kantatu duten abestia zein den? Bidali erantzun zuzena eta izen-abizenak 605779540 telefono-zenbakira WhatsApp bidez, eta ostiraleko zozketan parte hartuko duzu!
Hori guztia eta askoz gehiago, 15:40tik aurrera, ETB1en.
