Zuek hor
Gaur, 15:40an
'Demode Quartet' laukote iruindarra gonbidatu, 'Zuek hor' saioan!
EiTB
Epa! Disko berria aurkeztuko dute Durangoko azokan, eta aurrerapen bat ematera datoz Zuek hor eta gu hemen saiora!
Astearen erdira iritsi gara dagoeneko. Asteazkena! Astero legez, asteazkenean asteburuari begira jarriko gara. Maria Amolategik Euskal Herriko nahiz nazioarteko musika albiste eta nobedadeen berri emango digu. Gaur, Demode Quartet laukote iruindarra izango du gonbidatu. A capella abesten duen talde honek disko berria aurkeztuko du Durangoko Azokan, eta aurrerapen batekin etorriko zaigu 'Zuek hor eta gu hemen' saiora. Bertan izango dira taldea osatzen duten Mikel de la Fuente, Joli Pascualena, Iker Huitzi eta David Rosco.
Asteazkena egun aproposa da tertulia apur bat izateko, ezta? Beti bezala, Agurne Anasagastik gidatuko du tarte hau. Nagore Osoro, Haritz Gallastegi eta Maite Eskarmendi izango ditu berriketa-lagun mahaiaren inguruan.
Aisia, Debako talasoterapian asteburu-pasa bat irabazi nahi? Bi gau zoragarri, gosaria eta talasoterapiarako sarrera zozkatzen ditugu 'Zuek hor eta gu hemen' saioan. Ba al dakizue fraideek ahopean kantatzen duten abestia zein den?
Bidali erantzuna eta izen-abizenak 605779540 telefono-zenbakira WhatsApp bidez, eta ostiraleko zozketan parte hartuko duzu!
Hori guztia eta askoz gehiago, 15:40tik aurrera, ETB1en.
