Rap-kantari euskaldun bat izango da 'Zuek hor' saioan abesten: Fanny!

Pedro Mari Bastegieta baserritar ekologikoa etorriko da berriro ere zuzen-zuzenean bere bitxikeria eta trukoak erakustera. 'Zuek hor eta gu hemen' saioan, produktu naturalekin belar txarrak erretzeko herbizida bat egiten erakutsiko digu. Posible al da belar batzuk erabiliz beste belar batzuk hiltzeko zerbait osatzea?

Egunero bezala, Agurne Anasagastik gidatuko du mahai-ingurua, eta bertan izango ditu tertuliakide Saioa Lopez, Maite Bastos eta Maisha MC. Aktualitate gaiez gain, bitxikeria eta umorez egindako bideoak ikusi eta komentatzeko aukera izango dute. Gainera, Maishak lagun berezi-berezi bat ekarriko digu. 'Euskal Herrian euskaraz' rapeatzen duen rap-kantari donostiarra: Fanny!

Eta gaur ostirala izanik, eta ostiralero legez, asteburu zoragarri bat zozkatuko dugu. Debako Aisia hotelean asteburu bat zozkatuko dugu zuzen-zuzenean. Parte hartu nahi baduzu, oraindik garaiz zabiltza. Ba al dakizu zein den fraideek ahopean abesten duten kanta? Bidali erantzuna eta zure izen-abizenak WhatsApp bidez 605779540 telefono-zenbakira eta zozketan parte hartuko duzu!

Hori guztia eta askoz gehiago, gaur, 15:40tik aurrera, ETB1en.