Zuek hor
Gaur, 15:40an
Mariah Careyren Gabon-kanta baten bertsioa, 'Zuek Hor' saioan
Maria Amolategik aurkezten duen atalean, urteko bideoklip onenak ikusiko ditugu. Gainera, Mariak, Alkainek, Urbietak eta La Jaiok Careyren "All I Want For Christmas Is You" abestuko dute.
Informazio gehiago (1)
Astearen erdira iritsita, asteburuari begira jarriko gara gaur "Zuek hor eta gu hemen" saioan. Maria Amolategik Euskal Herriko zein nazioarteko musika albiste eta nobedadeen berri emango digu. Urtea amaitzear dela eta, urteko bideoklipik ikusienen zerrenda erakutsiko digu. Gainera, Alkainek, Urbietak eta La Jaiok lagunduta, Mariah Careyren "All I Want For Christmas Is You" kantuaren bertsioa abestuko digute. Gogoratzen al duzue "Jarreando" kanta abestu zutenekoa? Enrique Iglesiasen "Bailando" abestian oinarritu ziren.
Asteazkena egun aproposa da tertulia apur bat izateko, ezta? Agurne Anasagastik gidatuko du tarte hau, eta Nagore Osoro, Haritz Gallastegi eta Manu Maritxalar izango ditu berbalagun mahaiaren inguruan.
Egunero bezala, zuzenean izango dira Alkain eta Galartza Nuntzeberryrekin; Txomin segurtasunekoa, La Jaio txoni poligonera, Jon Urbieta sare sozialak eta teknologia txokoarekin...
Bestalde, Debako Aisia hotelean bi pertsonarentzako asteburu zoragarri bat irabazi nahi? Ba al dakizue fraideek ahapetik kantatzen duten abestia zein den? Bidali erantzuna eta izen-abizenak 605779540 telefono-zenbakira WhatsApp bidez, eta ostiraleko zozketan parte hartuko duzu!
Hori guztia eta askoz gehiago, 15:40tik aurrera, ETB1en.
