Politika -
Jaien hasiera
Helegitea jarriko diote Tafallako udaletxean ikurrina jasotzeari
Nafarroako herri askotan atzo jaiak hasi zituzten, eta Tafallan zein Burlatan ikurrinak agertu zituzten txupinazoaren ekitaldian.
Agentziak | Erredakzioa
Espainiako Gobernuak Nafarroan duen Ordezkaritzak iragarri duenez, administrazioarekiko auzibide-errekurtsoa jarriko du Tafallako udaletxeko haga batean ikurrina egoteagatik, hain zuzen ere herriko jaiak iragartzeko txupinazo-ekitaldian.
Erakunde horretako iturriek jakinarazi dutenaren arabera, euskal ikur horren presentziak "urratu egiten du legedia nazionala eta Nafarroakoa".
Burlatari dagokionez, udaletxeak ikurrina erakutsi du ere, baina ez haga batean jarrita, baizik eta balkoi batetik zintzilik, errepublikako banderarekin batera; hori dela eta, kasua aztertzen dabiltza, Tafallakoarekin alderatuta egoera desberdina dela adierazi baitute aipatutako iturriek.
Horrenbestez, Gobernu Ordezkaritzak bete egiten du bere aburuz "legea betetzen ez duten" udalen erabaki orori helegitea jartzeko ohartarazpena, aurretik Iruñean, Lizarran edota beste zenbait herritan egin zuen legez.
