Gizartea
Istripua
Emakume bat hil da Loitiko mendatean izandako istripuan
Erredakzioa
Ezbeharra 09:05 inguruan jazo da. Osasun zerbitzuko langileek ezin izan dute ezer egin emakumearen bizia zabaltzeko.
Emakume bat hil da gaur goizean Loitiko mendatean izan den istripuan, Nafarroako Gobernuak ohar baten bidez jakitera eman duenez.
Ezbeharra N-240 errepideko 28. kilometroan gertatu da, goizeko 09:05 inguruan. Guardia Zibila, suhiltzaileak eta anbulantzia bat bertaratu dira, baina, tamalez, ezin izan dute emakumearen bizia salbatzeko ezer egin.
Handik minutu gutxira beste istripu bat izan da A-12 errepidean, Pedrongo tuneletan, eta lagun bat zauritu da.
Istripu hori tunelen barnean gertatu denez, zona horretan auto-ilarak izan daitezkeela ohartarazi du Nafarroako Gobernuak.
