Teknologia
Sare sozialak
Orain errepikatzen diren lagun eskaerak ekidin ditzakezu Facebooken
Erredakzioa
Sare sozialak ustezko lagunengandik datorren 'spam'arengandik babesteko aukeran bat gehitu du. Orain arte, lagun eskaera onartu edo baztertu zitekeen bakarrik.
Facebook sare soziala ezaugarri berri bat prestatzen ari da errepikatzen diren lagun eskaerak eten egiteko eta gonbidapen gogaikarriak ekiditeko, bai ezezagunenak eta harremanik eduki nahi ez duzun erabiltzaileenak ere.
Orain arte lagun eskaerak baztertzeko aukera zegoen bakarrik, eta horrela, askotan, nahitaez gure lagun izan nahi zuten erabiltzaileek gonbidapen horiek berbidali zitzaketen etengabe.
Aukera berriarekin sare sozialeko erabiltzaileek pertsona baten gonbidapen guztiak blokeatu ahal izango dituzte.
Bestalde, Facebookeko ordezkariek ez dute konfirmatu sareak zer egingo duen gonbidapen horiek ukatu ostean. Hau da, gure lagun izan nahi duen erabiltzaileari abisua emango dion edo ez.
Munduko sare sozialik erabiliena izanda, Facebooken sartzea ''spam'' mezuentzako eta automatizatutako ''phishing''entzako helburu nagusia da.
