Gizartea
Emakumeen aurkako indarkeria
Gizon bat atxilotu dute bere neska-laguna erasotzeagatik, Bilbon
Erredakzioa
Uribarri auzoko etxe batean jazo zen ezbeharra 18:30ak aldera. Aurretik eraso gehiago pairatu omen zituen emakumeak. Tratu txarrak jasan dituzten emakumeentzako arreta zerbitzua: 900 840 111 / 016.
33 urteko gizon bat atxilotu zuten atzo arratsaldean ustezko indarkeria matxista delitu bategatik. Erasoa 18:30ak aldera izan zen Bilboko Uribarri auzoan, Matiko kaleko etxe batean, hain justu.
Emakumeak ertzainei jakinarazi zienez, bere mutil-lagunak zorura bota zuen eta aurpegian eta bizkarrean hainbat aldiz jo zuen.
Aurretik beste eraso batzuk jasan zituela esan zuen biktima Basurtuko Ospitalera eraman zuten.
Tratu txarrak jasan dituzten emakumeentzako arreta zerbitzua: 900 840 111 / 016.
