Gizartea
Emakumeen aurkako indarkeria
Bikotekidea eraso eta labana batekin mehatxatzeagatik atxilotu dute
Erredakzioa
Gertakaria Trapagarango (Bizkaia) etxe batean jazo zen 17:00ak aldera. Ertzaina iritsi zenean, biktimak ubeldurak zituen eta ustezko erasotzailea oso urduri zegoen.
30 urteko gizonezko bat atxilotu zuten atzo arratsaldean Trapagaranen, neska-lagunari eraso egitea eta labana batez mehatxu egitea egotzita. Erasoa 17:00ak aldera gertatu zen, Trapagarango etxebizitza batean.
Herritar batek Ertzaintza ohartarazi ondoren, agenteak bertaratu zirenean, besaurreak ubelduraz beteta eta lepoa gorrituta zituen emakume bat aurkitu zuten bertan.&' || 'nbsp;Mutil-lagunarekin eztabaida bat izan zuela esan zuen eta hark eraso eta labana batekin mehatxatu zuela jakinarazi zien biktimak.
Gertakaria baieztatutakoan, ertzainek ustezko erasotzailea atxilotu zuten.
Tratu txarrak jasan dituzten emakumeentzako arreta zerbitzua: 900 840 111 / 016.
