Añarbek sistema berri batez kenduko ditu Urumeako legarra eta harea

Añarbeko Uren Mankomunitateak hondeaketa xurgatuz egiten duen sistema berri bat erabiliko du gaur gauetik aurrera Donostian Urumea ibaiaren ezkerraldean 200 metro kubiko legar eta harea kentzeko. Erakundearen esanetan, "azkarragoa, ekonomikoagoa eta eragozpen gutxiago dituen sistema berria" da.

Lanek astebete iraungo dute, Gipuzkoako hiriburuaren Santa Katalina zubiaren ondoan egingo dira, 22:00ak aldera hasita, eta trafikoaren arautzea, seinaleztapen eta itxituraren instalazioa, itsasaldiak eta erabiliko den ekipoaren funtzionamenduaren probak hartuko ditu kontuan.

6,5 metro kubikoko kontainerra duen 10 metroko luzera eta 32 tonako pisua duen kamioia erabiliko da lanak egiteko. Astean zehar, Foruen Pasealekuaren hiru bideetatik bi itxita egongo dira kamioia eta lanotarako behar diren materialek 30 metroko zatia hartuko baitute.

Ibaiak eta itsasaldiak arrastaka eraman duen legar eta harea bolumenak Santa Katalinako hondakin-uren ponpaketa-estazioa (EBAR) bost gainezkabide irteerak buxatu ditu. Geltokia eta parada urpean ez uzteko, segurtasuneko beste gainezkabide bat dauka euri zaparradak badatoz, euri-uren soberakinak ibaira bota ahal izateko.