Gizartea
Emakumeen kontrako indarkeria
Gizonezko bat larri, emakume bat eraso matxista batetik babestean
Erredakzioa
Valentzian gertatu da. Gizonezko batek bikotekide ohiari labanaz erasotzea galarazi du eta erasotzaileak berari sartu dio labana azkenean. Gizona larri dago ospitalean.
32 urteko gizonezko batek eraso matxista bat galarazi du Valentzian, baina orain larri dago ospitalean. Gizon batek bikotekide ohiari labanaz mehatxu egiten ziola ikusi du eta emakumea babestu du. Orduan, erasotzaileak labana sartu dio.
Biktima Valentziako La Fe Ospitalera eraman dute. Toraxean, abdomenean eta sorbaldan ditu zauriak. Erasotzailea atxiltotua dago.
Gertakariak bart izan dira, gaueko 22:00ak aldera, Valentziako Kordoba kaleko taberna batean.
Borroka bat zegoela ohartarazita, Polizia tabernan bertaratu zen. Ustezko erasotzailea ihes egiten ikusi zuten, labana eskuan zuela, baina berehala atzeman zuten.
Emakumeak gertakariak jazo ziren tabernan egiten zuen lan eta ospitalean dagoen gizonezkoa da bertako jabea.
