Gizartea
Tolosan atxilotu dute
Kontrako bidetik gidatzen zihoan alkohola edanda
Erredakzioa
Atxilotuak legezko tasa baino bost aldiz gehiagoko alkohol kopurua zeraman gainean, Berazubi auzoko kale batetik gidatzen zihoala, herri gipuzkoarrean.
Gizon bat atxilotu egin dute Tolosan (Gipuzkoa) kontrako bidetik gidatzeagatik legezko tasa baino bost aldiz gehiagoko alkohol kopurua gainean zeramala.
Arratsaldeko zazpiak aldera, Ertzaintzaren patruila batek gidaria kontrako bidetik zihoala ikusi du, Berazubi auzoko kale batean.
Alkoholemia froga egoterakoan, arnastutako aire litro bakoitzeko 1,20 miligramo alkohol eman ditu gidariak, legezko gehiengoa bost bider gaindituz.
46 urteko gizonak aurrekariak ditu alkoholemiagatik eta atxilotu egin dute bide segurtasunaren kontrako delitu bat leporatuta.
Heriotza mehatxuak
Errenterian beste gizon bat atxilotu dute ertzaina batzuk mehatxatzeagatik istripu batean nahastu ostean, Pasai de San Pedron.
21:30ak aldera, Pasaiako udaltzaingoak laguntza eskatu dio Ertzaintzaren patruila bati, gidariaren jarrera erasotzailea ikusita.
Istripuaren tokira heltzerakoan gidariak heriotza mehatxuak bota dizkie ertzainei eta atxilotu egin dute.
