Teknologia
Asmakizun bitxia
iPhone bidez gaixoak berpizten ditu mediku kroaziar batek
Erredakzioa
Ivor Kovikek gaixoaren bularrean jartzen den sakelakorako gehigarri baten prototipoa asmatu du. Bestelako telefonoekin erabili ahal izateko software bat garatzen dabil.
Mediku kroaziar batek baieztatu duenez, bere iPhone sakelako telefonoa gaixoak berpizteko gailu bilakatu du. Horretarako, programa informatiko bat eta berak asmatu duen osagarri berria uztartu ditu.
Ivor Kovic Pazineko ospitaleko larrialdi zerbitzuko buruaren esanetan, bere asmakizunaren abantaila nagusia da "suspertzeko gailu eramangarria eta beti eskuragarria" dela.
Erreanimazio-adituen bilkura batean aurkeztu du bere asmakizuna Amsterdamen. Bertan "gaixoaren esku-azpian barik, bularrean jartzen den sakelakorako osagarri gehigarri baten prototipoa egin" zuela azaldu du Kovicek.
Jarraian, iPhoneko programa batek soinuz ohartarazten du minutuko ehun presioak aldatzen badira edota ezarritako presioa egokia bada.
Osagarriaren prototipoa eratu du oraingoz baina bere asmakizuna patentatzeko asmoa du eta bestelako telefonoekin erabili ahal izateko software bat garatzen dabil. Adibidez, kaleratu berri diren Google Nexus One edo Motorola Droid sakelakoetarako erabilgarria izan dadin.
