Zubia: "Erreformaren helburua ez da kaleratzea merketzea"

Jose Guillermo Zubia Confebasko idazkari orokorraren ustez, lan-erreforma beharrezkoa da, "baina esan dutenaren kontra, ez du bilatzen kaleratzea merketzea".

Euskal patronalaren ordezkariak adierazi duenez, ETAk enpresariengan presioa egiten "jarraitzen du, beti bezala", eta horrek beharrezkoagoa egiten du bandaren desagerpena.

Euskal ekonomiaren azken datu positiboaren harira, "atzeraldiaren datua estatistikoa" dela adierazi du, "berreskuperatze prozesua ahula da eta ezegonkortasunak pairatu behar ditu, beraz, hurrengo hiruhilabetetako datuek baieztatu behar duten zerbait da".

Espainiako ekonomiak erreforma baten beharra duela uste du Zubiak, "sistema ekonomikoaren zurruntasunaren ondorioa baitira langabezi datu altuak".

Lan erreforma

Confebasken idazkari nagusiren arabera, Gobernuak lan erreformaren inguruan egindako proposamenaren alde ona aldaketaren "beharra dagoela adierazten duela" da.

"Interesak direla eta, erreforma honek kaleratzeak merketzen dituela saltzen ari da, baina hori ez da erreformaren helburua", adierazi du Zubiak.

Bestalde, sindikatuen mobilizazioak "erreformen kontra doaz, ez erreformen edukiaren kontra", azpimarratu du Zubiak.