Mundua
Khyberren
30 hildako eta 100 zauritu Pakistanen izandako eraso suizida batean
Erredakzioa
Erasoa Khyberreko eskualdeko meskita batean jazo da, Afganistaneko mugatik hurbil. Beste eraso bat ere izan da Orakzaiko tribu-mugapeko merkatu batean.
Gutxienez 30 pertsona hil dira eta beste 100 lagun zauritu dira Khyberreko eskualdeko meskita batean jazo den eraso suizida batean, adierazi du "Geo TV" telebista kate lokalak.
Beste eraso bat ere izan da Orakzaiko tribu-mugapeko merkatu batean. Pakistaneko hedabideen esanetan, hamaika biktima edo zauritu daude, dena den, iturri ofizialek ez dute gertakari hau baieztatu.
Lehenengo erasoa Khyberren meskitan jaso dan, antza 150 fededun inguru zeuden bertan eta haien artean hainbat matxinatu.
Tribu eremuetan Gobernuak presentzia txikia du eta horrek erasoetan egon diren biktima kopurua zehaztea zailtzen du.
Leherketen ondorioz zaurituta izan diren lagunak inguruko ospitaletara eraman dituzte.
Ikerketa baten arabera, 3.000 pertsona baino gehiago hil dira 2009 urtean Pakistanen eraso terroristetan.
