Gizartea
Trafikoa
Gizon bat larri, Donostia eta Lasarte artean izandako istripuan
Erredakzioa
Kamioi bat errepidetik irten, lubeta batetik behera erori eta A-8 autobidetik gertu dagoen lorategi batera erori da. Gidaria larri zaurituta dago Donostia Ospitalean.
Gizon bat larri zaurituta dago gidatzen zuen kamioia errepidetik irtetean. Istripua 10:40ak aldera jazo da N-A1 errepidean Donostia eta Lasarte artean, Gasteizko norabidean.
Kamioi bat errepidetik irten, lubeta batetik behera erori eta A-8 autobidetik (Bilboko norabidean) gertu dagoen lorategi batera erori da.
Trafiko Zuzendaritzak jakinarazi duenez, istripua A-8aren zirkulazioan eraginik izan ez duen arren, auto-ilarak sortu dira gidariek abiadura moteltzen zutelako istripua ikusteko.
Gidaria larri zaurituta dago Donostia Ospitalean.
