Politika
Politika EAEn
Urkulluk politika gaiei buruzko elkarrizketa eskatu dio PSEri
Erredakzioa
EAJko presidentearen ustez, "akordio bat beharrezkoa da EAEk garapen politikorako". Urkulluren arabera, gai politikoak jorratzeko ez dira bildu, "PSEren borondate gabeziagatik".
Iñigo Urkullu EAJko presidenteak gai politikoei buruzko elkarrizketa izatea eskatu dio lehendakariari, eta ez neurri ekonomiko eta sozialei buruz bakarrik.
Urkulluk dioenez, egonkortasun instituzionalaren akordioa "indarrean dago" eta "akordio bat beharrezkoa da EAEren garapen politikorako".
Orain arte, Lopez lehendakariarekin izandako harremanetan agintari jeltzaleak "ez du ekimen politikorik entzun, politika sektorialak alde batera utziz". Arazo politikoak jorratzeko "PSEren borondate gabezia" kritikatu du ere.
Terrorismoaren kontrak politika "politika sektoriala ez" dela onartu du Urkulluk, eta "bakea eta politikari buruz lehendakariarekin" hitz egiteko prest dagoela dio, "PSEren eta EAJren artean miatzea merezi baitu".
Alderdiko agintari instituzionalekin izandako bilera baten ostean egin ditu Urkulluk adierazpen horiek.
