Gizartea
Ezbeharra
Galdutako bost gazte aurkitu dituzte Eretza mendian, Gueñesen
Erredakzioa
Bost bilbotar, 14 eta 20 urte bitartekoak, orientazioa galduta, baina onik aurkitu dituzte Quadra auzo parean.
14 eta 20 urte bitarteko bost mendizale aurkitu dituzte goizaldeko 1:00ak aldera. Gueñes udalerri bizkaitarreko Eretza menditik gertu galduta zeuden, Ertzaintzak jakitera eman duenez.
Mendi talde bateko begiraleak SOS-Deiakera deitu zuen 21:00ak aldera. Bost bilbotar Gueñesera joan ziren goizean Eretza mendira igotzeko asmoz, eta oraindik ez ziren bueltatu.
Bilaketa talde bat Eretza mendian zabaldu zen eta 1:00ak aldera, Ertzaintzak taldea aurkitu zuen Quadra auzo parean.
Bost gazteak onik baina orientazioa galduta eta hotzik zeuden.
