Nor da John Cobra?

Eurovisioneko jaialdia bere tranpolina izan da. Ikusleak txistuka hasi zirenean izan zuen erantzunak, atzora arte ezagutzen ez zuen jendeak, 24 ordutan John Cobrani bost axola diola eta kontrakoa esaten diotenean isilik geratzen ez dela jakitea lortu du.

Mario Vaquero da John Cobraren benetako izena eta Youtuben aspalditik da ezaguna. Duela zenbait urte, valentziar honek, ustez konbiktu ohia, bere gaitasunak mundu osoan ezagunak izan behar zirela erabaki zuen eta, horretarako, Interneteko kanalean bere trebetasunak eta giharrak erakusten zituen bideoak jarri zituen. Okerrena lehiakide bat atera zitzaiola da, Kanariar Uharteetako Batu The Dog.

Bi gazteen arteko norgehiagoka handitzen joan zen eta Youtubera bideo mehatxatzaileak igotzen hasi ziren. Eduki horietan "Gurpil-aulki batean utziko zaitut" bezalakoak esaten zizkioten batak besteari. Horrelako bideoengatik, Eurovisioneko jaialdiko jarraitzaileek Cobra sailkapen prozesuan parte hartu ezin izatea eskatu zuten, baina antolatzaileek ez zuten jaramonik egin.

Telebistara saltoa

John Cobra eta Baturen arteko gudaren jarraitzaileek gazteen arteko topaketa bat sustatu zuten, baina, azkenean, ez zen horrelakorik izan. Hala ere, sarean eragindako mugimenduak Cobrak lehen telebista platoak bisitatzea eragin zuen. Boriz Izagirrek eta Ana Garcia Siñerizek bere saioan edozein indarkeriazko jarrera baztertzen zuen John Cobra berritu bat izan zuten.

Hurrengo agerraldia Antena 3eko "El Diario" saioan izan zen. Bertan, oso jeloskorra zen neska baten mutila izateagatik izan zen eta bere esperientzia kontatu zuen.

Interneten

John Cobrak johncobra.tv izeneko webgune bat du eta bertan bideoak, telebistako agerraldiak eta bere musika eskaintzen ditu. Valentziarrak, hain zuzen ere, zazpi abestitako maketa bat gr,abatu du.

Argi dagoena da dagoeneko beste bideo pare bat igo ditzakeela bere webgunera. Izan ere, joan den astelehenen, John Cobrak ikusleei hitz horiek eskaini ostean, telebistako beste hain saiotan elkarrizketatu dute eta baliteke datorren asteetan, baita hilabeteetan ere, telebistako platoetatik bere rap bereziari buruz hitz egiten ikustea.