albisteak
Telesail arrakastatsua
'Prison Break' bideojokoa, martxoaren 26an salgai
Erredakzioa
eitb.com
Xbox 360, Playstation 3 eta PC-rako egin dute, 16 urtetik gorakoentzat.
Telesail arrakastatsuaren lehen denboraldian kokatu dute ''Prison Break'' bideojokoa, eta Wentworth Miller (Michael Scofield) eta beste zenbait aktorek hartu dute parte bertan, ahotsa jarri baitiete beraien paperetan oinarritutako pertsonaiei. Hala ere, protagonista berri bat izango du bideojokoak, telebistan ezagutu ez duguna: Tom Paxton agentea Fox River kartzelan sartuko da Scofield ikertzeko.
''Prison Break''&' || 'nbsp; jokoa Londonen aurkeztu zuten duela egun batzuk, eta Robert Lyle Knepper aktorea egon zen bertan. ''T-Bag'' Fox River State kartzelako preso arriskutsuenetakoa da telesailean, eta jokoan ere presentzia izango du.
Martxoaren 26an jarriko dute salgai produktua Xbox 360, Playstation 3 (49,95 euro) eta PC (39,95 euro) formatuetan, eta 16 urtetik gorakoentzat dela adierazi du PEGIk.