albisteak
Gertakaria
Gizon baten gorpua atera dute Lekeitioko portutik
Erredakzioa
55 urteko gizona da, Errioxakoa, eta bere gorpuan ez da indarkeria seinalerik aurkitu.
Ertzaintzak 55 urteko gizon baten gorpua atera du gaur goizean Lekeitioko portuko uretatik. 07:40ak aldera, patruila batek pertsona baten deia jaso du portuko uretan gorpu bat zegoela esanez. Ontzi baten laguntzaz, ertzainek gizona uretatik atera dute. Gorpuak arropak jantzita zituen.
Antza denez, gorpuak ez zeukan indarkeriaren inolako seinalerik. Ondorioz, heriotzaren zergatiak autopsiaren bidez aztertuko dira.
Gorpua dagoeneko identifikatu dute. Gizona Errioxakoa zen eta bere senitartekoak Bartzelonan bizi dira.
