albisteak
Suceso
Ziklista bat harrapatu, ihes egin eta alkohol tasa boskoiztu du
Erredakzioa
Gidariak ziklista bat harrapatu eta ihes egin zuen, baina istripua izan zuen eta, hori dela eta, Foruzaingoak atxilotu zuen. Harrapatutako gazteak besoa apurtu du.
Autoarekin ziklista bat harrapatu eta, ihes egin ostean, istripua izan zuen gidari bat atxilotu zuen atzo Nafarroako Foruzaingoak. Alkoholemia proban boskoiztu zuen gehienezko alkohol tasa, Nafarroako Gobernuak jakitera eman duenez.
Gertakaria atzo arratsaldean izan zen, NA-132 errepidean, Murieta udalerriaren parean. Lizarrako 52 urteko gizonezko batek 26 urteko ziklista bat harrapatu zuen (kolpearen ondorioz, txirrindulariak beso bat apurtu zuen) eta, ondoren, ihes egin zuen, baina istripua izan zuen handik gutxira. Bertan atxilotu zuten Foruzaingoak.
