albisteak
Emakumeen kontrako indarkeria
Bikotekidea zazpi orduz eserita egotera behartzegatik zigortu dute
Tratu txarrak eman eta etxeko sofan zazpi orduz eserita egotera behartu du gizon batek bere emaztea, adin txikiko semeari kasurik egiten utzi gabe. Donostian gertatu zen gertaera.
Donostian bizi den marokoar batek 157 egunetan gizarte-lanak egin beharko ditu eta zortzi egunetan bere lokalizazioaren berri eman beharko du emazteari tratu txarrak eman eta zazpi orduz sofan eserita egotera behartzeagatik.
Horrez gain, ezin izango du ez biktimarekin harremanetan jarri ezta beragana gerturatu ere zortzi urtetan, eta gainera, 95 euroko Kalte-ordaina eman beharko dio postontzian egindako kalteengatik.
Dokumendu judizialaren arabera, auzipetua "oso aztoratuta" zegoela, gauzak lurrera botatzen hasi zen, "ukabilkada batez ate bat hautsi" eta "sukaldeko kaxa bat indarrez bota zuen".
Iskanbila hori entzunda, seme-alabetako bat esnatu egin zen zaratarekin eta gizonak berriz ohera eraman zuen. Ondoren, duela bederatzi urtetik bikotekide zuen emakumeari irainka hasi zen eta txistua bota zion hainbat aldiz aurpegira eta gorputzera.
Jarraian, besaulkian esertzeko agindu zion, eta "ez zion bertatik altxatzen utzi, seme txikia esnatu eta amari deika hasi zen arren"
