Herriak eta Hiriak
Aste Nagusia 2018
Milaka haur batu dira Bilbon Balearen Desfileaz gozatzeko
Agentziak | Erredakzioa
Eguzkia lagun, Bilboko haurrek egun handia izan dute igande arratsalde honetan Balyren familiarekin. 'Txirla' pertsonaia izan da aurtengo nobedadea.
Albisteak (12)
- Aste Nagusiaren 40. urteurrena ospatzen hasi dira milaka bilbotar
- Bilboko 2018ko Aste Nagusiko egitaraua
- Renfek 500 tren berezi baino gehiago eskainiko ditu Bilboko Aste Nagusian
- Plaza Barriko kontzertuen egitaraua, Bilboko Aste Nagusian 2018
- Karpatxo eta Mekanitxin Bilboko Aste Nagusiaren umeentzako ekitaldietan izango dira
- Hombres G, Dj Valdi eta Rozalen, Bilboko Aste Nagusiko azken iragarpenak
Igande honetan Bilboko Aste Nagusian Balearen Desfilea egin dute, 18. aldiz; aurten, pertsonaia berria izan da bertan, 'Txirla', eta, Udalak jakitera eman duenez, 200 bat lagunek hartuko dute parte.
Milaka lagun bildu dira ekitaldi honetaz gozatzeko, tartean familia asko; Plaza Biribiletik irten da, 19:00etan, eta Kale Nagusia zeharkatu du, jaietako bigarren egunean.
Ohi bezala, Balea, Olagarroa, Bisigua eta Txangurroa atera dira desfilean; igandean, halaber, Txirla izan da haiekin batera. 6 metroko diametroa eta 6,5 metroko altuera duen puzgarria da azken hori, eta ireki eta ixteko mugimendu sekuentziala du; maskorraren barruan, mihia du, ezkutaturik, eta ikusleekin hartu-emana izan du, horri esker.
Musika, lagun
Musika izan dute denek lagun, bai eta hainbat artista eta animazio-ikuskizun. Trokobloko perkusio-konpainia izan da desfilearen buruan, eta bi gurpil-ontzi ibili dira Kale Nagusitik. Gainera, 30.000 puxika egon dira, bai eta konfetia, serpentinak, eta beste hainbat sorpresa ere.
Talaiaria, arpoilari-tripulazioa, euli hegalariak, puzgarri erraldoiak eta Kittu Musika Elkartearen, Always Marching Banden, Sama-Sikuren eta Molto Vivace Marching Baden musika ere izan dira Desfilean.
Guztien atzean, Bilboko Udalaren garbiketa-talde bat joan da.
18.00etatik aurrera, puzgarriak hiriko hainbat puntutatik irteten hasi dira, Plaza Biribilean bildu aurretik; batzuk Arriaga plazatik atera dira, beste batzuk Udaletxe Plazatik, eta, beste hainbat, Hurtado Amezaga kaletik.
