Interneteko biltegiak, 'trastero' birtualak

Kanpoko disko gogor bat izatea bezala da, baina etxean egon beharrean, sarean dago. Interneten dagoen zerbitzari batean. Hainbat enpresak eskaintzen dute zerbitzu hori. Baina zenbateraino erabiltzen da? Segurua da? Iraunkorra? Horretaz hitz egin dugu Jabi Asurmendi informatikariarekin. Hark "hodeian" biltegiratzeari buruz idatzi du Zibergela blogean, eta aldekoak eta kontrakoak aztertu ditu gure irratsaioan.

Horrekin batera, gai gehiago izan ditugu Norteko Ferrokarrillean. Pi zenbakiaz hitz egin dugu Nahikari Blanco matematikariarekin eta Iñaki Leturiak "robot" hitzaren jatorriaz hitz egin digu.