Amarauna
Otsailak 26
Basque Ultra Trailen atzetik ibiliko da igandean 'Amarauna' saioa
Basque Ultra Trail mendi lasterketak lehen etapa egingo da asteburuan, Bilbotik Gasteizeraino. 110 kilometroko etapa izango da, eta horren inguruko guztiak kontatuko dizkizuegu Euskadi Irratian.
-
Basque ultra trail series
Basque Ultra Trailen atzetik ibiliko da igandean 'Amarauna' saioa. Lehen etapa egingo da asteburu honetan, Bilbo eta Gasteiz artean. 110 kilometroko etapa horren berri emango digu Oihan Alzuagak.
Gainera, Xabier Sukia lankideak Bilbon prestatu duten 'Mendi hirian' topatu duena kontatu digu. Lasterkarientzat prestatu duten karpa erraldoi bat da. Besteak beste, mendiko arropa berezia, tresneria, ekintzak eta zinta gaineko orekariak aurki daitezke bertan.
Inauteri eguna izango da igandea, eta 'Amarauna' herriz herri ibiliko da. Uztaritzen, Zalduondon eta Beran galdetuko dugu nola ari diren ospatzen. Arantxa Arza lankidea Tolosan izango da, aste askotan prestatutako karrozen eta jantzien berri emanez.
Joxe Rojas eta Benito Fiz blogariak ere izango ditugu, teknologia berrien inguruko azken berriak ezagutzeko.
