Amarauna
'Basa' Miren Amurizarena
Lorrinetan erremuskadan dabil Sabina. Amurizaren eleberria irakurgai
Zaintzari buruz ari den nobela da 'Basa', Miren Amurizaren aurrenengo eleberria. Leire Palacios kazetariak eta Eako irakurle taldeko Karmele Larrinagak egin digute iruzkina.
-
Miren Amurizaren Basa liburuaren azala. Sabina protagonista basurde aurpegiarekin amantala soinean
15:36 min
Altzerreka baserriko Sabinak amantala jazten du soineko gainean. Jertsea amantal gainean. Etxeko zapatilak berriz galtzerdiak bistan dituela. Kortan ageri zaigu liburuko azalean, aurpegiaren lekuan basurde muturra duela. Gogorra da Sabina, zaildua, sastrakatan ibiltzeko beldurrik ez duena eta aldi berean, katuari zauriak miazkatzeko eskeintzen dizkiona. Zaintza premian dago andrea halakorik onartu nahi ez arren. Bera ere zaintzaile da ordea, eta nola hala moldatzen da.
Idazkeraren aizto zorrotza eta hizkuntzaren ederra azpimarratu dituzte Leire Palacios kazetariak eta Karmele Larrinaga Eako irakurle taldekoak 'Amarauna' saioan egin diguten liburu gomendioan.
