Baipasa
ERTZAK
Irratia da sinesgarritasun handiena duen komunikabiea. Zuk zer diozu?
Leire Iturregui EHUko irakaslearekin aritu gara irratigintzaz eta baita ikasturte hasierarako erronkez. Baipasan kolaboratzaile izango dugu ikasturte honetan.
-
Mikrofono sorta. Irudia: Wikipedia.
15:40 min
EHUko kazetaritza, publizitate eta ikus-entzunezko ikasleak irratira gerturatzea da Leire Iturregui EHUko irakasleak ikasturte honetan esku artean duen erronkatako bat. Guk ere hala nahiko genuke eta Baipasan aritzeko gonbidapena luzatu diogu. #ertzak tartean arituko zaigu hamabostean behin, eguaztenetan.
Ikasturtea poz-pozik hasi dugu ze, Iturreguik azaldi digunez, "Eurobarometroaren datuen arabera, Europan sinesgarritasun handiena duen hedabidea da irratia, telebista ta prentsaren gainetik". Eta ez hori bakarrik: irratiak "bakardadea murrizteko duen gaitasuna" ere balioan jarri du Iturreguik, "horrekin batera esatariekin sentimendu oso estua garatzera iristen dira/gara entzuleok; 'intimitate ilusioa' deituriko kontzeptua da, esatariak gurekin daudenaren sentsazio hori".
Ea ba, eusten diogun horri guztiari ikasturte berri honetan!
Piztu irratia!
