Baipasa
Gure haria
Bachata: 2022ko doinua!
Lierni Ibargutxi | EITb Media
Gero eta jende gehiago ari da Dominikar Errepublikan sortutako dantza erritmo hau ikasten eta dantzaldiak astero antolatzen dira.
-
Kalean dantzan
29:44 min
Badirudi azken hilabeteotako eta datozenetako joera indartsuenetako bat izango dela bachata. Esaterako, Tik-Token bachata bideoen ikustaldiak 18 milioi dira eta gehitzen! Guk argi dugu: bachataren sua piztu da eta horregatik doinu hau bereizteko eta dantzatzen ikasteko hainbat lagunekin hitz egin dugu.
La Jodedera musika taldeko Jon Casares Txorromorro-k "Izarren hautsa" kanta ezagunaren euren bachata bertsioa entzunaz egin du solas gurekin. Yasmilka Rodriguez Solís dantza irakasleak esan digunez nahiko erraza da bachata ikastea eta berak datorren astean hasiko duen ikasturtean dagoeneko hiru bachata talde osatu dira. Jesus Buldainek ere hamar urte daramatza dantzak ikasten eta dantzarekin gozatzen. Jenny Castillok, berriz, Kandela akademian klaseak emateaz gain, Urnietako Oianume dantzalekuko asteburuko planak antolatzen ditu. Sakaltu play eta entzun kontatu diguten guztia!
