Baipasa
Gure haria
Asmakizun unibertsalak
Lierni Ibargutxi | EITb Media
Liburuaren Arbola erakusketa ibiltaria Ondarroara heldu den egunean, liburuaz eta beste asmakizun handi batzuei buruz solasean aritu gara.
-
Laborategian
37:47 min
Gaur asmakizun unibertsalei buruz hitz egin dugu Baipasan. Eta horretarako hizpidea Liburuaren Arbola erakusketa ibiltariak eman digu. Gaurtik aurrera Ondarroan dago ikusgai Liburuaren Arbola. Arantza Atxurra Ondarroako Udaleko Euskara Alorreko zinegotziarekin hitz egin dugu erakusketari buruz eta Literatur Amuak jaialdiari buruz ere bai. Liburua omen da gizakion asmakizun unibertsal handienetako bat.
Guk behintzat astero hitz egiten dugu -egunero, beharbada ere bai- liburuei buruz saioan. Liburuaren Arbola erakusketako komisarioa Gorka Arrese da eta berak Galileo Galileiren hitz batzuk berreskuratu ditu erakusketarako: "Alfabetoa da gizakiaren asmakizunik handiena". Hori irakurri daiteke erakusketako paneletako batean. Eta guk liburuez gain beste asmakizun unibertsal batzuei buruz hitz egin dugu Agustin Azkarate Arkeologia Katedradunarekin, Joxe Mari Urkia Medikuntzaren Historian adituarekin eta Jean Louis Iratzoki Alki lantegiko zuzendari artistikoarekin. Sakatu play eta entzun kontatu diguten guztia!
