Urriko Azken Asteleheneko azoka, eta heriotza duina, 'Faktoria'n

Astelehenean, Urriko Azken Astelehenean izango da Euskadi Irratiko 'Faktoria', unitate ibiltariari esker. Amaia Artetxek emango du Gernikako azoka ezagunaren berri, goizean goiz hasi, eta eguerdira bitartean. Bestalde, Maite Artolak gidatutako tartean, heriotza duinari buruzko solasaldia izango da.

8:00etan hasiko da saioa Maite Artolaren gidaritzapean. 8:30ean, solasaldia izango da Joseba Arruti, Xabier Lekuona eta Javier Diaz Nocirekin. 9:00etan izango da lehen konexioa Gernikako Urriko Azken Astelehenarekin; Amaia Artetxek goizean goizetik eramango du Euskadi Irrtiko uhinetara hango giroa. Ondoren, Maite Arroitajauregik, 'Mursego'k, bere musika aukeraketa egingo du. 9:30ean, berriz, heriotza duina izango dute hizpide EH Bilduko Rebeka Uberarekin, Iñaki Olaizola antropologoarekin, eta Amaya Quiroga fisioterapeutarekin.

10:00etan, Manu Etxezortuk hartuko du lekukoa. Gernikan kukua egin ondoren, azokan erosketak nola egin azalduko dute Amaia Nausiak eta Arantzazu Fernandezek. 10:30ean, Martin Gartziandia Gasteizko sindikoak pobreziaren feminizazioaz htz egingo du. 11:00etan ere joko dute Gernikako azokan murgiltzera.

11:30ean, berriz, 'Adin-adin' ekimenaz arituko dira. Zahar etxeetan bertsoaren erabilera terapeutikoa bultzatzeko programa antolatu du Gipuzkoako Foru Aldundiak, eta Ander Zapianek, ezinduen laguntza zerbitzuburuak, emango du horren berri. Gainera, Ane Albisuk Oiartzunen grabatutako saioan bildutako testigantzak ekarriko ditu.

Bestalde, 12:00etan, 'Ekogunea' ere zabalduko dute, eta Amalia Virto konpostaz arituko da. Sixto Iturriagak, berriz, Aieten (Donostian) Star Wars film sortari buruz jarri duten erakusketaren berri emango du, eta Haritz Cestonaren istorio musikatua ere izango da asteleheneko saioan.