Faktoria
Bilboko Arte Ederren museoa
Museo historikoa, leihoak zabalik dituela
Datorren astean zabalduko dute Goyari buruzko erakusketa handia. 110. urteurreneko programazioa, areto zaharberrituak eta artelanak erakutsi dizkigute Cesar Otxoak eta Itxaso Mendiluzek.
-
Arte Ederretako Museoa
22:19 min
Bihar zortzi zabalduko dute Bilboko Arte Ederren Museoan, Goya eta Gorte Ilustratua erakusketa. 110. urteurrenerako prestatu duten lehen erakusketa handia izango da hori. Muntaia lan betean ari direla egin dugu museora, 'Faktoria'n.
Cesar Otxoa museoaren hezkuntza teknikariak erakutsi digu areto klasiko zaharberritua: zorua egurrez leunduta, paretak zuri eta, batez ere, leihoak hirira zabalduta dituela. Metafora ere badira-eta leiho horiek, kalera bezala etorkizunera ere zabaldu nahi baitu museo historikoak.
Itxaso Mendiluze arte komisarioak Arte Ederren pinakotekaren garrantzia eta, batez ere, museoaren izaera azpimarratu dizkigu, eta geldialdia egin du orain erakusgai diren Eduardo Arroyoren "unikornioa" lana eta Pablo Picassoren Femme assise dans un fauteuil (Dora) margolanak azaltzeko.
