Faktoria
Urratsak HIESaren aurka
'HIESaren birusa deuseztea lortu duen tratamendua ezin da zabaldu'
Gorka Otaegi
GIBdun bi pertsona sendatu dituen hezur-muin transplantea 'bortitzegia' den arren, lorpenak 'lan ildo berriak' zabaldu dituela azaldu digu Jon Badiola ikerlariak.
-
Hezur-muin transplanteetan egon liteke GIBaeren sendabidea lortzeko gakoa
4:41 min
Historian bigarren aldiz lortu da HIESaren birusa zuen gaixo bat sendatzea. Espainiako ikerlari talde batek egin du lorpena, linforma zuen gaixo bati hezur-muin transplantea egitean. GIBa erabat desagerrarazi zaio, bai odoletik, bai birusaren beste gordailuetatik ere. Jon Badiola ikerlaria dago lan-talde horretan.
Dena den, 'honek ez du esan nahi GIBaren sendabidea eskuratu dugunik', dio transplanteek GIBdun gaixoengan duten eragina aztertzen duen Jon Badiola ikerlariak, 'transplanteek heriotza-tasa handia dute eta ezinezkoa da GIBdun guztiak sendatzeko moduko ezaugarriak dituzten emaleak topatzea'. Hala ere, transplanteen ikerketak 'lan ildo berriak' zabaldu ditu: 'orain, erronka, tratamendu horien mekanismoak imitatuz sendagai leunagoak sortzea da', azaldu digu Euskadi irratiko 'Faktoria'n.
