Faktoria
Zientzia
Pint of Science: zientzia taberna giroan
Maiatzaren 20tik 22ra, Pint of Science ospatuko dute, mundu osoan. Gurean, Hego EHko lau hiriburuetan eta Ondarroan izango da hitzaldi zientifiko laburrez gozatzeko aukera, trago bat hartu bitartean.
-
Garagardoa
3:15 min
Taberna batean sartu, eta trago bat hartu bitartean zientzialari batek bere ikerketa arloaz kontatzeko dituenak entzun. Hitzaldi laburrak, zuzenak eta entretenigarriak, zientzia kontrako eztarritik ez joateko. Hori agintzen du Pint of Science ekitaldi sortak.
Iruñean, Gasteizen, Bilbon, Donostian eta Ondarroan izango da, hamaika tabernatan, askotariko diziplina zientifikoei buruzko hitzaldiak entzuteko aukera.
Ondarroako zein Hego Euskal Herriko lau hiriburuetako egitarau guztia eskuragarri dago Pint of Science webgunean.
