Faktoria
ETAren amaiera: 10 urte
2011-2021: Hamar urteko metamorfosia
MIkel Rotaetxe | EITb Media
ETAk behin betiko su-etena iragarri zuenean irudika ezinak ziren aldaketek astindu dute gure mundua. Udaberri arabiarretik esnatze feministara, krisiz krisi eta iraultzaz iraultza egin dugu bidea. "Faktoria" albistegian errepasatu dugu azken hamarkada.
-
M8ko protestak Bilbon
8:14 min
ETAk armak utzi zituen egunean hil zuten Libiako basamortuan Muammar Gaddafi Libiako burua. Iraultzaren txinparta Afrika iparraldean eta Ekialde hurbilean zabaltzen ari zela, krisi ekonomikoaren zurrunbilo betean geunden Europan. Hamar urteko bidea egin dugu Euskadi Irratiko "Faktoria"n, pasa den hamarkadako aldaketa, gertaera eta fenomeno nagusiak biltzeko. Suminduen mugimendutik, iraultza teknologikora, populismoaren olatura, eta mobilizazio-eredu berrietara. Aldatu da mundua 2011z geroztik eta aldatu gara gu geu.
