Faktoria
ALOOA
ALOOA, bulbaren lehen eredu anatomiko hipererrealista
MIkel Rotaetxe | Eitb Media
Junkal Alzugarai fisioterapeutak ALOOA proiektua aurkeztu du 'Faktoria'-n, helburu didaktikoa duen bulba eta baginaren munduko lehen eredu hipererrealista. Sexu heziketaz gain, emagin eta ginekologoak formatzeko ere balio du.
-
Junkal Alzugarai eta ALOOA
24:20 min
Bulbaren itxura eta haragiaren ukipen errealak ditu, malgua da, biguna, eta zehatz jasotzen ditu aluaren zatiak; kanpokoak zein barrukoak. Junkal Alzugarai zoru pelbikoan espezializatutako fisioterapeutak aurkeztu du '"Faktoria"n ALOOA, helburu didaktikoa duen bulba eta baginaren munduko lehen eredu anatomiko hipererrealista. Bi urteko lanaren emaitza da, eta unibertsitate eta ikerketa zentroetan dagoen hutsunea bete nahi du sortzaileak: "2022an gauden arren, egun ez dago helburu didaktikoa duen aluaren eredu anatomikorik, denak dira plastiko zurrunekoak".
Etorkizuneko emagin eta ginekologoak hezteko balio dezakeela dio Alzugaraik, baita sexu heziketarako ere, eta ahalik eta eredurik zehatzena egin du: "Platinozko silikona eta foam erabili ditugu, eta azalaren kolorea aldatu egin daiteke".
ALOOA aurkeztuta, Marisa Barrena "Faktoria"ko laguna beretik aritu zaigu, haurtzaro eta gaztaroko sexu heziketaz eta egungo belaunaldiez.