Faktoria
EH BIldu-Iruñea
Joseba Asiron: "Ezin ditugu beste 4 urte alferrik galdu; uste dut PSNk ezin duela akatsa errepikatu"
IMANOL DE LA VARGA | EITb Media
Joseba Asiron EH Bilduren Iruñeko alkategaiak irmo kritikatu du Enrique Mayaren Udal Gobernuaren kudeaketa Euskadi Irratiko "Faktoria"n egin diogun elkarrizketan. Legealdia alferrik galdu dela uste du, eta alderdi aurrerakoien adostasuna bilatzearen alde egin du.
-
Joseba Asieron, Euskadi Irratian
21:41 min
Maiatzeko hauteskundeei begira, baikor da Joseba Asiron, EH Bilduren Iruñeko hautagaia. Mayaren kudeaketa eskasak eta eskuinaren zatiketak emaitza onak erdiesten lortuko diela uste du.
Alternatiba moduan, EH Bilduk errezeta soziala planteatuko duela esan du. Besteak beste, gizarte etxebizitzen aldeko neurriak hartuko omen ditu. Esan du, duela 4 urte alderdi sozialistak aldaketaren gobernua erortzen utzi izana akatsa izan zela, eta Asironek iritzi dio, sozialistek ezin dutela berriro akats hori bera errepikatu. Hala ere, ez du uste sozialistek hautagai ezberdina aurkezteak eraginik izango duenik erabaki hori hartzerako garaian.
Asironek alderdi aurrerakoien arteko akordioa lortu eta gobernu progresista gidatzeko prest agertu da, iruditzen zaiolako ezkerreko alderdiek legealdian zehar erakutsi dutela elkarlanerako gaitasuna. Hori bai, aitortzen du euskararen inguruko ezadostasunak nabarmenak izan direla.
Enrique Maya orain arteko alkateaz galdetuta, uste du, ez dela berriro UPNren hautagaia izango, bigarrenez galduko lukeelako alkatetza EH Bildu buru duen gobernu aurrerakoi baten aurrean.
