Faktoria
Brasil
Estebe Ormazabal: "Brasilen mila Brasil daude. Bukatzen ez den bizipen tokia da, ametsen tokia"
Ane Albisu | EITb Media
26 urtez bizi izan da Brasilen Estebe Ormazabal. Nestle multinazionalaren enpresa batera joan zen, ikasketaz biologoa den beasaindarra. Gero hezkuntza munduan murgilduta ibili da eta Brasilera joandako euskaldunak ikertzen ere bai. 1549an joandako Jose de Azpilikueta da aurkitu duen lehenengoa.
-
Estebe Ormazabal
22:02 min
Estebe Ormazabal biologo beasaindarra elikagaien zientzia eta tekonologiarekin lotuta, Mars eta Nestle multinazionaletan aritu zen lanean Ingalaterran, Italian, Danimarkan, Alemanian eta Suitzan. Hemen zebilela, Brasilera joateko aukera sortu eta hara joan zen. Han familia osatu eta 26 urteren ondoren, etxera hurbiltzea erabaki eta Madriden bizi da orain. Seme zaharrena han geratu da eta nabari zaio Esteberi Brasil bihotzean duela. Hango musika jarri orduko busti zaizkio begiak.
Brasilgo politikaz esan digu "Netflix-eko serierik onena dela, oso dinamikoa delako". Bolsonaroz "militaren panpina" izan dela iritzi dio eta oso herrialde aberatsa izan arren, ezberdintasun sozial nabarmenek mintzen dute. Orain uholdeetan ere agerian geratu dela adierazi digu.
Brasila joandako euskaldunez ikertzea "bizio" bihurtuta, gehiago ikertzen jarraitzeko gogoa adierazi digu. Orain arte 200-300 euskaldunen jatorriak topatu ditu eta Eusko Ikaskuntzaren web orrian eskuratu liteke, liburu fisikoa agortuta dagoelako.
