Faktoria
Eguraldi iragarlea
Joxe Landa: "Klimaren aldaketa pasadizokoa da; baserriarena behin betikoa"
JOn Artano | IETb Media
Umetatik hasi zen eguraldiari erreparatzen, "lainoei izenak ere jartzen genizkien". Eta 1980ko hamarkadan hasita eguraldi-gizon ezaguna egin da Euskal Herri osoan. Goizeroko errutina du eguratsaren berri ematea Gara kazetan, dozenerdi irratitan eta, itziartarrentzat, herriko Burugorri ostatuan.
-
Joxe Landa bere etxeko begiratokian, Itziarren
23:16 min
1929an sortu zen Joxe Landa Beliosoro Goikoa baserrian, Agiro mendiaren magalean. Naturari eta baserriari lotua eman du bere mundualdia, eta eguraldiari begira; "eguraldia da gure munduko kontu printzipala". Bere iragarpenengatik, eta iragarpenetan darabilen euskaragatik, estimazio handiko gizona da euskal herrietan.
