Faktoria
FOMO sindromea
FOMO sindromeak jota, nonbait ez egotaren beldurrez, bizi dira gero eta gazte gehiago
Maitane SUbijana | EITb Media
Aitor Aritzeta psikologoarekin eta Belen Altuna Filosofian doktorea eta Etika irakaslearekin gogoeta egin dugu sare sozialek eragin duten FOMO sindromeaz, zer den eta ze ondorio dakartzan gazteengan.
-
GAZTEA MUGIKORRAREKIN
22:30 min
Sare sozialek erabateko eragina eta pisua dute askorengan, bereziki, gazteengan, eta etengabe sare horietara konektatuta egon beharrak ekarri duen albo kalteetako bat da FOMOa "fear of missing out", nonbait ez egotearen beldurra edota zerbait galtzearen izuarekin bizitzea. Adituen hitzetan, gero eta gazte gehiagok pairatzen duten sidromea da, "ez banago ez naiz, edo gutxiago naiz".
Gazteek euren ahotsez kontatu digute nola bizi duten egoera, eta analisia eta gogoeta egin dugu "Faktorian" Aitor Aritzeta psikologoarekin, eta Belen Altuna Filosofian doktore eta Etika irakaslearekin. Gazteengan zerk du pisu handiagoa bizitza fisikoan gertatzen denak, ala bizitza digitalak? Zer da erreala?
