Faktoria
Bakardadea
Nahi gabeko bakardadea, gero eta ohikoagoa den errealitatea
Euskal Autonomia Erkidegoan, pandemiaz geroztik, bikoiztu egin da nahi gabeko bakardadean dauden pertsonen kopurua: 70 milatik gora lirateke uneotan. Amaiak, Lidek eta Lupek haien testigantza eman dute Euskadi Irratiko Faktorian, errealitate ikusezin honi ahotsa jartzeko.
-
Bakardadeaz hizketan, Faktorian, Euskadi Irratian
25:28 min
Nahi gabeko bakardadea fenomeno konplexua da, subjektiboa, bakoitzaren esperientziatik abiatzen dena. Gertatzen da, emozionalki, nahi baino gutxiago edo nahi baino arinagoak direnean besteekiko harremanak. Ez dute zertan isolatuta dauden lagunek sufritu: inguruan sare bat izanda ere, litekeena da bakardadea sentitzea. Estatuko Bakardadearen Behatokiaren arabera, bost heldutik bat bakarrik sentitzen da uneotan, eta %13,5ek modu kronikoan pairatzen du duela bi urte edo gehiagotik. Amaia, Lide eta Luperen lekukotzetatik abiatuta, haien ikuspuntua eskaini digute Idoia Imaz erizaintza-irakasleak zein Iker Pinilla haur eta nerabeen arretarako Zeuk Esan telefonoko teknikariak.
