Goiz kronika asteburua
Asteburuan
'La Manada'ren epaia, aurrekontuak eta ETAren desegitea, 'Goiz Kronika'n
Jexux Mari Mujika eta Felix Arrieta izango ditu solaskide Joxe Juan Ugaldek. Igandean, Itziar Idiazabal EHUko Munduko Hizkuntza Ondarearen UNESCO katedraren koordinazailea, elkarrizketatuko dugu.
Asteburu honetan, 'La Manada'ren epaiaren osteko erreakzioak izango ditugu hizpide 'Goiz Kronika' saioan. Kalea bero-bero dago, eta larunbatean manifestazioa deitu dute Iruñean. Gainera, estatuko aurrekontuen osoko zuzenketak EAJk ez babestu izana eta ETAren desegitea ere egongo dira landuko ditugun gaien artean Jexux Mari Mujikak eta Felix Arrietak, Joxe Juan Ugaldek gidatutako solasaldian. Igandean, berriz, Itziar Idiazabal, EHUko Munduko Hizkuntza Ondarearen UNESCO katedraren koordinazailea, elkarrizketatuko dugu.
Larunbatean, 07:00etan hasiko da albistegia, 08:00etan abiatuko da albistegi nagusia, eta 08:30ean solasaldian izango dira Jexux Mari Mujika eta Felix Arrieta.
Igandean, 07:00etan eta 08:00etan izango dira albistegiak. 09:00etan, berriz, albiste nagusien errepasoa egingo dugu, eta Itziar Idiazabalekin, EHUko Munduko Hizkuntza Ondarearen UNESCO katedraren koordinazailearekin, hitz egingo dugu. Jarraian, erreportajeen tartea izango dugu.
