Goiz kronika asteburua
GOIZ KRONIKA
Koldo Tellitu: "Baliabide gehigarrien inguruko argibideak jakiteko zain gaude"
EUSKADI IRRATIA
Ikasturte berrirako dituzten aurreikuspenen berri eman du Koldo Tellitu Ikastolen Elkarteko lehendakariak Euskadi Irratiko Goiz Kronikan. Astelehenean Hezkuntza Sailarekin bilduko dira.
-
Koldo Tellitu, Ikastolen Elkarteko lehendakaria.
6:13 min
Ikasturte berrirako egun gutxiren faltan, argibideen zain daudela azaldu du Koldo Tellitu Ikastolen Elkarteko lehendakariak Euskadi Irratiko Goiz Kronikan. Astelehenean bilduko da Ikastolen Elkartea Hezkuntza Sailarekin, datorren ikasturterako jasoko dituzten laguntzak zehazteko. Tellituk azaldu duenez, Ikastoletan lanak aurreratuta daude, eta laguntzen tamaina zein izango den jakin nahi dute.
"Lekuan lekuko kasuen arabera", udal eraikinak erabiltzeko aukera planteatzen ari direla adierazi du, eta baita ekintza batzuk ikastetxeen kanpoaldean egitea ere.
Ipar Euskal Herrira begira, aldiz, kezka adierazi du Tellituk: "Badirudi begi guztiak Euskal Autonomia Erkidegoan dauzkagula, eta ahaztu egiten zaigula Ipar Euskal Herriko egoera". Izan ere, Frantziar Estatuak maskara batzuk baino ez ditu banatuko DBHko ikasleentzat, laguntza gisa.
