Itxi

Beste kirolak

Behobia-Donostia

Carles Castillejoren erakustaldia eta Raquel Gomezen garaipena

Agentziak | Erredakzioa

Kataluniarra jaun eta jabe izan da, erritmo bizia jarri eta aurkariak ito ostean. Raquel Gomezek, berriz, lasterketa bukaera ikusgarria egin du.

1:06

Albisteak (4)

Bideoak (1)

Carles Castillejo kataluniarrak erakustaldia eman du Behobia-Donostia lasterketako 51. edizioan.  30.000 parte-hartzaile baino gehiago bildu dira, eguzkia eta beroa nagusi izan diren egunean. Emakumezkoen proban, Raquel Gomez nagusitu da.

Castillejok erritmo bizia jarri du Behobiako irteeratik, eta horri ondo eutsi dio, tenperatura altua izan den arren. Kataluniarra Espainiako txapelduna izan da azken hamarkadan, 5.000 metrotan, 10.000 metrotan eta maratoian.

Lehia estuagoa espero zen, izena eman dutenen artean faborito ugari baitzeuden: Rafa Iglesias, Pedro Nimo, Martin Fiz, Chema Martinez… baina Castillejok ez die aukerarik eman.

Kataluniarrak ez du erasorik jo behar izan Gaintzurizketako gainean, erdi lanetan, Jose Manuel Dias portugaldarra eta gainontzeko aurkariak itotzeko bere erritmoari eustearekin nahikoa izan duelako. Lasterketako azken kilometroak bakar-bakarrik egin ditu Castillejok.

Azken kilometroan omenaldia izan da irabazlearentzat. Donostiako kaleak bete dituzten milaka zaleren txaloak jaso ditu Carles Castillejok, helmugara sartu den arte.

Raquel Gomezen garaipena

Emakumezkoetan, Extremadurako Raquel Gomez gailendu da. Bere errendimendua hobetuz joan da lasterketak aurrera egin ahala. 15. kilometroan laugarren joan da, baina azken kilometroetan ikusgarri aritu da eta lehen tokian amaitu du.

Jimena Martinez, Bernadett Suveges eta Laura Garcia aurkariei kalte egin die beroak, eta Gomezek aurrera egin du, eroso, helmugara arte.

 

 

 

    • © EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa

    #-ent_adh_conf_online-#