Beste kirolak
GOLFA
Carlota Cigandak eskuratu du Estrella Damm Ladies Opena
AGENTZIAK | EITB MEDIA
Nafarrak bere zortzigarren garaipena lortu du profesional moduan, Europako (sei) zein Amerikako (bi) zirkuituak kontuan izanda.
-
Carlota Ciganda, Estrella Damm Ladies Open txapelketan. Argazkia: EFE
Carlota Ciganda golflari nafarrak (Larraintzar, 32 urte) bere bigarren Estrella Damm Mediterranean Ladies Opena lortu zuen igandean, laugarren txanda 70 kolperekin amaituta (2 parraz azpitik) eta guztira 270 kolpe eginda (18 parraz azpitik) txapelketa osoan. Gauzak horrela, bere zortzigarren garaipena lortu zuen profesional gisa: sei, Europako Zirkuituan eta bi, Amerikako Zirkuituan.
Cigandak lehen egunetik bereganatu zuen txapelketaren lidergoa, nahiz eta azken jardunaldia bukatzeko zortzi zulo falta zirela hura galdu zuen zenbait unez. Hain zuzen ere, atzetik zetozenei aukerak eman zizkien garaipenaren lehian sar zitezen bederatzigarren zuloan egindako bogey bikoitz batekin.
Horri Laura Beveridge eskoziarraren jardun bikaina gehitu zitzaion (6 parraz azpitik). Hala ere, azkenerako bigarren gelditu zen, nafarrarengandik 2 kolpera.
Izan ere, golflari Cigandak indarrak bildu eta, txapelketa irabazteko, bultzada eman zion eagle bat lortu zuen 16. zuloan.
A massive moment, @carlotagolf makes an eagle on the 16th ¿#RaiseOurGame | #EDLO2022 pic.twitter.com/vYEbeqQYdn
— Ladies European Tour (@LETgolf) July 10, 2022
Horrez gain, Magdalena Simmermacher argentinarrak, jardunaldia Cigandarengandik 5 kolpera hasi zuen arren, harekin berdindu zuen 6 zuloren faltan; dena den, azken txanpan indarra galdu eta hirugarren amaitu zuen, 15 parraz azpitik lortuta.
¿¿ ¿¿¿¿¿¿¿ ¿¿¿¿ ¿
— Ladies European Tour (@LETgolf) July 10, 2022
@carlotagolf is the 2022 @MeditLadiesOpen champion, let the celebrations begin ¿¿¿
#RaiseOurGame | #EDLO2022 pic.twitter.com/Bv1be8ZFhR
