Beste kirolak
Igeriketa
Iñigo Llopis donostiarrak urrea irabazi du Igeriketa Egokituko Munduko Txapelketan
EITB MEDIA
Gipuzkoarra izan da azkarrena bizkar-estiloko 100 metroko proban, S8 klasean, azken metro ikusgarriak eginda. Emaitza horri esker, 2024ko Parisko Joko Paralinpikoetarako txartela lortu du.
-
Iñigo Llopis. Argazkia: Basque Team.
Iñigo Llopisek urrezko domina irabazi du Manchester hirian jokatzen ari diren Igeriketa Egokituko Munduko Txapelketetan. Donostiarrak denborarik onena egin du bizkar-estiloko 100 metroko proban, S8 klasean.
Gipuzkoarrak lasterketa ikusgarria egin du, aurretik zituen aurkariak gaindituta 1:05.32ko denbora eginda. Bigarren Kota Kubota japoniarra izan da, 1:06.40ko denbora eginda, eta hirugarren, Sam Downie britainiarra, 1:08.36ko denborarekin.
Garaipen horri esker, Basque Teameko igerilariak 2024. urtean Parisen egingo diren Joko Paralinpikoetan egoteko txartela lortu du.
