Beste kirolak
08:40an hasita
Zegama-Aizkorri mendi-lasterketa, igandean, zuzenean, eitb.eus-en eta ETB1en
EITB Media
Zegaman dena prest da maiatzaren 26ko hitzordurako. ETB1ek eta eitb.eus-ek zuzenean eskainiko dute proba, 08:40an hasita.
-
Zegama-Aizkorriko kilometro bertikalaren irudia. Argazkia: EITB Media
Igandean, maiatzaren 26an, jokatuko da 2024ko Zegama-Aizkorri mendi-lasterketa. Zegaman dena prest da. Proba zuzenean eskainiko dute ETB1ek eta eitb.eus-ek, 08:40an hasita.
Lasterketak 42,195 kilometroko ibilbidea du, 5.472 metroko desnibel metatuarekin. Aurtengoa Golden Trail World Seriesetarako puntuagarria izango da.
Gizonezkoetan, Kilian Jornet itzuliko da Zegama-Aizkorrira. Kataluniarrak 2022an irabazi zuen proba azkenekoz. Manuel Merillas iazko garailea ere egongo da bertan. Emakumezkoetan, Sara Alonso eta Malen Osa daude garaipena bereganatzeko faboritoen artean.
