Motorra
Bat Formula
Hamiltonek urteko hamaikagarren 'pole'a lortu du Monzan
Agentziak | Erredakzioa
Ingalaterrako pilotua onena izan da, beste behin, sailkatze-proban. Kimi Raikkonenekin batera irtengo da lehen lerroan.
-
Hamilton, Vettel eta Raikkonenek inguratuta, probaren ostean. Argazkia: EFE.
Lewis Hamilton Ingalaterrako pilotuak (Mercedes) "pole"a lortu du Monzan, denboraldian hamaikagarren aldiz, Italiako Sari Nagusian. Urteko hamabigarren lasterketa da, eta Munduko Txapelketa bi aldiz irabazi duen Hamiltonek, aurten ere lehen postuan dagoenak, sailkatze-proban onena izatea lortu berriro.
Bat formulan lehiatzen duenetik, 49. aldiz erdietsi du Hamiltonek "pole"a egitea. 5.793 metro ditu Monzako pistak, eta bueltarik azkarrenean minutu bat, 23 segundo eta 397 milaren behar izan ditu horiek egiteko. Kimi Raikkonenek, Hamiltonekin batera lehen lerrotik irtengo denak, 234 milaren gehiago behar izan ditu.
Sebastian Vettel (Ferrari) eta Nico Rosberg (Mercedes) alemaniarrak bigarren lerrotik abiatuko dira. Massa eta Bottas (Williams) hirugarren lerrotik irtengo dira, eta laugarren lerroan Sergio perez (Force India) eta Romain Grosjean (Lotus) kokatu dira.
Fernando Alonsok (McLaren) hamar postuetako zigorra jaso du eta 18. postutik abiatuko da.
FINAL PROVISIONAL QUALIFYING CLASSIFICATION - #Quali #ItalianGP #GPItalia pic.twitter.com/SdvKsCG8o3
— Formula 1 (@F1) septiembre 5, 2015
