Motorra
Beste ebakuntza baten zain
Robert Kubica egonkor dago ostiraleko ebakuntzaren ostean
Erredakzioa
Pilotu poloniarra zainketa intentsiboetako unitateko solairuan dago medikuen zaintzapean.
Bat Formulako pilotua den Robert Kubica egonkor dago ostiralean egin zioten bederatzi orduko ebakuntzaren ondoren. Orain aste bete istripu larria izan zuen Italia iparraldean rally bat korritzen ari zenean. Hankan, sorbaldan eta ukondoan egin zioten ebakuntza.
Genovako Santa Corona de Pietra Ligure ospitaleko iturriek adierazi dute pilotua egonkor dagoela zainketa intentsiboetako unitateko solairuan. Astelehenean erabakiko dute medikuek noiz egingo dioten hurrengo ebakuntza. Ukondo bateko atzealdean egin behar diote ebakuntza.
