Olinpiar Jokoak
Judoa
Tomoko Fukumi japoniarrak Oiana Blanco aurreneko borrokan kaleratu du
Erredakzioa
Gipuzkoako judokak ezin izan du munduko aurreneko sailkatua gainditu, eta Londresko Olinpiar Jokoei agur esan behar izan die.
Oiana Blanco Gipuzkoako judokak Londresko Olinpiar Jokoei agur esan behar izan die, Tomoko Fukumi munduko lehenengo sailkatuaren aurka 48 kilo baino gutxiagoko borroka galdu eta gero.
Euskal judokak ezin izan du aurreneko kanporaketa gainditu, Japoniako judokak borroka ‘ippon’ batekin irabazi baitu. Aurreneko minutuetan Oiana Blancok Fukumiren erasoak ondo eutsi ditu. Ondoren, japoniarrak euskal judoka tatamira bota du, eta Blancok defentadetzen jarraitu behar izan du.
Urrezko puntuan sartuta, Tomoko Fukumik ‘ippon’ batekin garaipena lortu du. Oiana Blancok 2008. urtean ere japoniarraren aurka galdu zuen.
